Baadhi ya wanachama cha wajane Tanzania (Tanzania Widows Association) wakiongozwa na mwenyekiti wa chama Bi Rose Sarwatt pamoja na katibu mkuu John Shabani, wakiwa miongoni mwa waalikwa katika maadhimisho ya miaka 25 ya chama cha wanawake wanasheria Tanzania - TAWLA
Huwezi kuitwa mtu aliyefanikiwa ikiwa watu
waliokuzunguka, ndugu, jamaa, marafiki na jamii kwa ujumla wanaishi
katika mazingira magumu.
MAISHA YA MJANE NA YATIMA WA KIJIJINI
Hivyo
pamoja na mkakati wa John Shabani wa kujitolea kuwatembelea waatu
wanaoishi katika mazingira magumu na kutafuta namna ya kuwasaidia,
mwanaharakati wa kujtolea wa haki za binadumu John Shabani; safari hii
ameungana na mwanamama mwenye uchungu wa kutetea haki za mjane Bi Rose
Sarwatt na kuanzisha chama cha wajane Tanzania.
Chama cha Wajane Tanzania (Tanzania Widows Association)
chenye usajili na S.A. 19708, ni chama kilichoanzishwa
rasmi mnamo mwaka 2014, kikiwa na lengo la kuwaweka wajane pamoja, ili
kutambuana, kufahamiana, kujua changamoto mbalimbali anazopitia mjane, na
kutafuta ufumbuzi wa kutatua changamoto hizo.
Ikiwemo kusomesha watoto, elimu ya sheria, afya, saikologia, biashara na
ujasiriamali.
Vilevile chama
kinajihusisha na kutoa elimu kwa jamii juu ya mjane, iwatambue wajane,
kuwapenda, kuwathamini na kuwasaidia kwa namna moja ama nyingine, pia kujitoa
kwa hali na mali kusaidia kupambana na changamoto anazopitia mjane. Pia chama kinasimamia sheria inayotetea haki
za mjane Tanzania, ikiwemo hati ya mirathi na usimamizi wa mali za familia
baada ya kifo cha mume wa mjane. Hivyo chama
hiki kitarejesha matumaini mapya kwa mjane, na wajane watarajiwa. Pia kwa namna moja au nyingine, kujihusiha na
haki za mgane na watoto walioachwa na wazazi (yatima).
Pamoja na kujitahidi
kwa uwezo mdogo tulionao, tumeweza kuzunguka mikoa kadhaa ya ya Tanzania
na hasa vijijini na kujifunza hali halisi ya wajane na watoto yatima.Tumegundua asilimia kubwa ya Wajane ni wale wenye
kipato cha chini sana na wengine wanaishi kwa kutegemea misaada ya kuwasaidia
kujikimu kimaisha. Misaada hiyo ni kama chakula, mavazi, kodi za nyumba
ukiachilia mbali ada za watoto.
Wana TAWIA baada ya kuhudhuria semina zinazoendelea katika ukumbi wa TGNP, mada ikiwa ni pamoja na kuingalia sheria inayopendekezwa ikiwa inavifungu vinavyomsaidia mjane na mwanamke kwa ujumla
Hakika wajane wanahitaji
kuwezeshwa kwa hali na mali ili waingie katika hatua ya kujishughulisha au
uzalishaji.
Wanachohitaji wajane ni
imparting skills and education na
baada ya hapo ni kuwezeshwa sasa ili kwaanzishe uzalishaji/biashara ndogondogo
za mtu mmoja binafsi au vikundi
Mkurugenzi wa kituo cha msaa wa sheria na haki za binadamu, Bi Heleje Kijo Bisimba, akiwa mgeni rasmi katika moja ya makongamano ya chama cha wajane
Kwa hapa
kwetu tumegundua biashara muhimu ni kama zile za utengenezaji juice, masuala ya
lishe au usindikaji wa chakula, kilimo kama cha, miogo, viazi vitamu ambayo
huchukua miezi mitatu hadi mine, tayari kwa matumizi na pia huhitajika kwa
mahitai ya kila siku. Pia kilimo cha mboga mboga kama matembele na mchicha
ambavyo huchukua wiki mbili au tatu. Lakini pia kilimo kama cha mahindi na
mchele kwa kilimo cha kumwagilizia ambavyo huchukua miezi 4 hadi tano. Pia
wajane wakizipata mashine za kusindika vifaranga vya kuku pamoja na mayai
ambayo huchukua muda wa wiki mbili na mashine zake ni rahisi kuzipata hapa hapa nchini kwenye
viwanda vya SIDO (Small Industries Development Organization), mafunzo mengine
ni ya ushonaji na kudarizi ambayo tayari tunaye mjane mwenye uwezo mkubwa wa
kutengeneza nguo za maofisini, taasisi na za kawaida pamoa na mashuka na vitambaa vya kudarizi vya kiafrika.
Mahitaji mengine au mafunzo mengine ni
masuala ya Agriculture,
Livestock Farming, Fish Farming, basic Computer courses, ufugaji, ushonaji na
mapishi na mengine utakayoona yanafaa kulingana na uzoefu wako.
Upande wa
afya ambayo ni jambo la msingi kwa maisha ya binadamu, tumekuwa na mawasiliano
na taasisi ya MEDA TANZANIA pamoja na BETTER LIFE HEALTH SERVICES ili
kuhakikisha wajane wanakua na afya bora.
Upande wa
sheria tunawashukuru TAWLA kwa kujitolea kutoa mafunzo ya msaada wa sheria
(Para Legal) kwa kikosi cha watu 24 kutoka TAWIA, mafunzo hayo ni ya miezi
sita, na baadaye kikosi hicho kitasaidia masuala mbalimbali ya kisheria kwa
wajane na jamii kwa ujumla. Mafunzo yaliyopewa kipaumbele ni ya sheria ya
ardhi, sheria ya ndoa, talaka au kuachana, sheria ya watoto n.k.
Tuna
karibisha wadau mbalimbali wenye moyo wa kuwasaidia wajane na watoto
yatima, tushirikiane kwa hali na mali kurejesha matumaini ya maje.
Kumbuka kwambawajane ni moja ya kundi la watu ambao Mungu anawaheshimu
sana.
Tunakaribisha mchango wako wa hali na mali ili kuwasaidia wajane Tanzania.
Mawasiliano
CHAMA CHA WAJANE TANZANIA
“Tanzania Widows Association”
P.O.Box 33476,
Dar es salaam
Simu:
+255 754 366 530 – Mwenyekiti
+255 713 778 778 – Katibu
E-mail: widowstz@gmail.com
FACEBOOK: Widows Tanzania
